Eða hvað?

Einhver sem hefur hugmynd um hvaða kostur er bestur af þeim sem boðið hafa sig fram?

Flott hjá honum. Er þá ekki Sjálfstæðisflokkurinn sjálfkrafa úti?

Því hitt liðið er á fullu að moka yfir skítinn og fær nú enn meiri tíma.

Óþolandi.

Gott fólk, nú er komið nóg!

Út með þessa stjórn.

Út með seðlabankastjóra og seðlabankastjórn.

Inn með utanþingsstjórn.

Kosningar í vor eða haust.

Gerum okkur grein fyrir því að þótt einn þingmaður klifri upp fyrir annan í metorðastiganum er það ekki breyting og ekki siðbót. Þingmennirnir hafa látið sig hafa það að vera áhrifalaus afgreiðslustofnun fyrir stjórnina og það sýnir að þetta fólk lætur kaupa sig til fylgilags með titli og innan við milljón kall á mánuði.

Allt þetta fólk er flækt í kerfinu, hefur tekið þátt á einn og annan þátt og er því ekki treystandi til að taka ákvarðanir þar sem eina viðmiðið er hagur þjóðarinnar. Og nú þegar fer að líða að kosningum er allt þetta lið að fara í harða kosningabaráttu og það mun þvælast fyrir þeim.

Og nú er Sigurður Kári í útvarpinu að segja að nú sé tími til að setja almannahag ofar hagsmunum flokkanna! Er ekki í lagi? Hann er líka allt í einu farinn að gera málstað mótmælenda að sínum, eftir að hafa streist á móti mánuðum saman.

Við látum ekki blekkjast og baráttan heldur áfram!

Svakalega er maðurinn veruleikafirrtur. Heldur hann í alvöru að veikindin séu ástæða þess að fólk vill þessa stjórn burt? Voru mótmælin ekki byrjuð áður en hann tilkynnti um meinið? Er einhver að kaupa þennan málflutning?

Ég var búin að standa á vellinum í nokkra stund þegar pikkað er í mig og ég beðin um að taka þátt í smá tilraun. Hún fólst í því að appelsínumótmælendur röðuðu sér fyrir framan lögguna sem stóð vörð um Alþingishúsið. Áður en langt um leið var búið að dekka alla framhlið hússins með mótmælendum. Og þá lét löggan sig hverfa svo lítið bar á. Mótmælendur stóðu svo vaktina og löggan sat inni í kaffi. Guð veit að þessir menn þurfa breik eftir ástand síðustu daga. Þeir sem komu á Austurvöll í leit að leiðindum fundu þau ekki og þeir sem vildu snapa sér fæting við lögguna fóru tómhentir heim. Og allt fór friðsamlega fram.

Og allir á Austurvöll á laugardag klukkan 15:00, með “hljóðfæri” og með appelsínugula litinn!

Ingibjörg hefur, sökum veikinda, ekki tjáð sig um málið í nokkra daga. Hún hefur hins vegar nokkrum sinnum sagst vera opin fyrir því að ganga til kosninga. Eru þá sömu orð samherja hennar uppreisn gegn henni? Við höfum ekkert nema loðin orð Geirs í Kastljósi í gær fyrir því að Ingibjörg sé á því að stjórnarsamstarfi skuli ekki slitið. Og það er ekki góð heimild.

Mig langar að setja þessar tölur aðeins  í samhengi, t.d. við mótmælin við Alþingishúsið í dag. Þar voru um 2000 manns, sem er hlutfallslega jafnmikið og var við embættistöku Obama. Og það á miðjum vinnudegi.

Þarsíðustu helgi voru um 10 þúsund landmenn að mótmæla, það er fimm sinnum meira (aftur hlutfallslega) en var hjá Obama í dag.

Svo er reynt að gera lítið úr þessum mótmælum og fólkið kallað skríll og unglingar (síðan hvenær hefur það verið skammaryrði?). Var sjálf á mótmælunum í dag og fullyrði að a.m.k. 60% mótmælenda hafi verið yfir fertugu.

Þjóðin rokkar!

Það voru miklu fleiri en 1500 manns á Austurvelli í dag, eins og ríkisfjölmiðillinn sagði.  Einnig var mótmælt víða um land.

Og um 10% Hafnfirðinga var á mótmælum vegna lokunar St. Jósefs eða um 2500 manns.

(Er troðfullur Austurvöllur minna fólk en fullt íþróttahús (í minna lagi) af sitjandi fólki?)
Það var bara heill hellingur af þjóðinni að mótmæla í dag í grasrótarmótmælum. Allavega 10 þúsund manns sem eru ca 3-4%. Sambærilegt við að 10 milljónir hefðu mótmælt í USA. Það þykir saga til næsta bæjar.

Gleymum því heldur ekki að hefðin fyrir mótmælum á Íslandi er sama og engin. Þetta er því enn betri árangur en ætla mætti.

En betur má en duga skal.